20 KA PRIVATE SCHOOLS SA BACOLOD TEMPORARYO NGA MAGA SIRA

Share on facebook
Share on google
Share on pinterest
Share on twitter
Share on print

Temporaryo nga magasira ang 19 ka mga pre-school kag isa ka elementary nga mga private schoolssa syudad sang Bacolod para sa school year 2020-2021.

Sa interview sang Aksyon Radyo Bacolod, gin pahayag ni Bacolod Schools Division Superintendent Gladys Amylaine Sales, ang temporary closure sang 20 ka mga private schools ang bangud sa manubo nga enrollment para sa masunod nga school year kag indi pa handa ang buluthuan sa pagpatuman sang distance learning.

Indi pa karon mapalayag ni Sales ang ngalan sang mga private school bangud paga aprubahan pa sang DepEd Region 6 ang ila application para sa temporary closure.

Suno kay Sales, sa tion nga mag balik sa face-to-face classess, liwat man nga maga bukas ang mga nag sira nga buluthuan.

Sa record sang DepEd Bacolod, 157 ang private schools sa Bacolod, 88 dire ang nag sugod na sang klase samtang 49 naman ang maga bukas sa Oktubre 5, kadungan sa mga public schools.

Gin pahayag ni City Councilor Renecito Novero, chair sang committee on education, ang temporaryo nga pag sira sang pila ka mga private school sa Bacolod ang epekto sang Covid-19 pandemic.

Suno kay Novero, chair sang committee on education, nasubuan ini sa sini nga balita bangud ang pag sira sang mga private school ang bangud sa wala ukon manubo nga enrolees nga ma apektuhan ang pinansyal nga aspeto sang buluthuan.

Dugang pa ni Novero, ang temporary closure order sang private schools ang ma usar para sa liwat nga pag bukas sa masunod nga school year sa tion nga may yara na sila sang enrollees. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.