Gindemolish ang 20 ka mga Puloy-an sa AC Yulo, prk. Masinadyahon, Brgy Sum-ag syudad sang Bacolod, subong nga adlaw, Myerkules.
Suno kay Sherrief Ill Arian Magallanes, ila gindemolish ang amo nga mga puloy-an basi sa “writ of demolition” nga ginpirmahan ni Jugge Francisco Pando sang MTCC Br. 4 Bacolod City napetsahan August 31, 2016.
Base naman sa Presidential Commission for Urban Poor ang pamilya sang gindemolish nga mga panimalay ang igasaylo sa Phase 4A, Progresso Village Relocation site, sa Purok Arao Brgy Vista Alegre.
Suno kay Romulo Archiebar, isa sa mga residente, indi makatawo ang ginhimo sang pamilya Yulo matapos ginguba ang ila panimalay nga wala sang nagakaigo nga relokasyon para sa ila.
Dugang pa ni Archiebar, masobra na sa 50 anyos ang iya pagtiner sa lugar kag nagapati ini nga indi ang mga Yulo ang nagapanag-iya sang duta nga ginatindugan sang ginguba nga mga balay. | Aksyon Alvin Grava