Patay ang 20 anyos nga hinablos matapos nga gin lampusan sang kahoy sang iya nga tiyo sa sa Hacienda Bernardetta, Brgy Caduhaan, syudad sang Cadiz, las 11:45 sang gab-i, Mayo 8.
Gin kilala ang biktima nga si Warren Donguines, 20 anyos, kag ang suspek kay Eduardo Bonifacio, 59 anyos, parehas nga residente sang nasambit nga lugar.
Sa inisyal nga pagpangusisa ni Police LtCol. Robert Mansueto, hepe sang Cadiz PNP, tuyo kon tani sang biktima nga magpatunga sa inaway sang iya mga pakaisa nga sanday Reynald kag magulang sini nga si Elmer Bonifacio lunsay gin-alegar naka-inom sang makahulubog nga ilimnon sang natabo ang insidente.
Dugang pa ni Mansueto, nangakig ang suspek, nagkuha sang kahoy kag ginlampos sa dughan ang biktima.
Ginhingagaw pa kon tani sa Cadiz District Hospital ang biktima apang gindeklarar dead on arrival. Boluntaryo naman nga nag sungka ang suspek sa Cadiz PNP. | Aksyon Alvin Grava