2 KA SEAFARERS NGA POSITIBO SA COVID-19 GINBALIK SA PROVINCIAL HEALING CENTER

Share on facebook
Share on google
Share on pinterest
Share on twitter
Share on print

Ginklaro ni Negros Occidental Gobernador Eugenio Jose Lacson nga wala sang kahangaw-an ang mga residente sa lugar nga ginaestaran sang covid-19 patient no. 5 kag no. 6 sa Negros Occidental.

Suno kay Lacson, wala makapauli sa ila lugar ang duha, bangud ginpaidalom na ang mga ini sa 14 ka adlaw nga mandatory quarantine antis magpositibo sa coronavirus.

Magluwas sini, ginbalik man ang duha sa Covid-19 Healing Center sa EB Magalona, agud mapaidalom sa maid-id nga isolation.

Mayo 6 sang gin-anunsiyo sang Department of Health Region 6, ang pagpositibo sa RT-PCR test sang 29 anyos nga taga La Castellana kag 43 anyos nga taga syudad sang Escalante.

Sila ang kabahin sa mga Overseas Filipino Workers nga ginrepatriate sang gobyerno probinsiyal sadtong Abril 28 kag gilayon nga gin quarantine sa EB Magalona.

Mayo 4 sang sila ang ginsaylo sa Go Hotel sa syudad sang Bacolod, kaupod ang 24 pa ka iban. | Aksyon Marlon Genovea

LALAKI, PILASON MATAPOS NAKURYENTE

(Contributed Photo | CTTO)

Nakuryete ang isa ka naga-sidline sa pagpamanday sa Purok Sunshine, Barangay E. Lopez, Syudad sang Silay.

Ang biktima ginkilala kay Antonio Zamora, 33 anyos, pamilyado nagapuyo sa Purok Langka sa amo man nga Barangay kag isa ka tricycle driver.

Suno sa ugangan ni Zamora nga si Edgar Relojas, iya ginsugo ang biktima nga kuhaon ang metal purlins sa ikaduha nga andana sang ila gina-ubra ugaling nasangit ini sa linya sang central negroa electric cooperative ukon ceneco.

Nahulog ang biktima kag nakaangkon sa madamo nga paso lawas kag nagsuka sang dugo. Gilayon ini gindala sang hospital. | Aksyon Bryan Morden

BACOLOD MAY YARA NA LAMANG SANG 10 KA VACCINATION CENTERS

May yara na lamang sang 10 ka mga vaccination centers ang syudad sang Bacolod para sa pagbakuna sa tion nga mag abot na ang Covid-19 vaccines.

Suno kay Councilor Renecito Novero, chair sang vaccination action center team, humalin sa 22 ka proposed vaccination centers, ini ang ginpanubuan sa 10, base man sa ginkasugtan sa damlag lang pagsinapol sang Covac council.

Ginpaathag ni Novero, nagakaigo na ang pulo ka vaccination centers bangud kon pasubrahan posible indi ini masarangan sang mga healthcare personnel, resources, ukon logistics. Ang vaccination centers ang nahamtang sa strategic areas.

Sa karon, indi pa mapalayag ni Novero ang lugar bangud ginavalidate pa ini sang iya team, Bacolod City Health Office, City Engineer’s Office kag iban pa.

Ang syudad ang una na nga nagbakal sang 650,000 doses sang vaccine gikan sa AstraZeneca pero wala pa mahibaluan kon san-o ini maga-abot. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.