MENU

1st WARAGWAG NANGIN MADINALAG-ON

  • at 3:10 pm
Share on facebook
Share on pinterest
Share on twitter
Share on print

210 ka mga estudyante kag manunudlo gikan sa 16 ka mga bolothoan sa probinsya sang Negros Occidental ang nagpakigbahin sa nahauna nga Waragwag: TV Newscasting and Radio Announcing Competition nga ginpatigayon karun nga adlaw sa University of Negros Occidental-Recoletos Little Theater.

Naghatag sang iya mensahe ang Station Manager sang Aksyon Radyo Bacolod nga si Aksyon Nona Magbanua kag Negros Press Club President Aksyon Boy Duran.

Samtang, sa mensahe naman ni Dr. Marisa Petalla, Principal sang UNO-R Integrated School Senior High School Department ginpasalamatan sini ang pagtambong sang mga deligado gikan sa nagkalain-lain nga bolothoan.

Pagpahayag ni Petalla, apisar nga nahauna pa lamang ini nga kahigayunan sa paghanas kag pag paindis-indi sa patag sang pagwaragwag tuman na kadamo ang nangin interisado.

Ginpasalamatan ni Petalla ang Aksyon Radyo Bacolod kag Negros Press Club sa ila bulig kag suporta agud nga mangin madinalag-on ang amo nga aktibidad.

Nagpaambit sang ila ihibalo sa pagwaragwag nanday Aksyon Wilma Sugaton kag Marty Go sang ABS-CBN Bacolod.

Yari naman ang listahan sang nangin madinalag-on:


Best Script:

  • TV English- Jeremy Gold Cenival
  • TV Filipino- Jirah Cordova
  • Radio English- Andrea Mae Reliquias
  • Radio Filipino- Kent James Zamora

TV Newscasting English

  • 1st Place- Sammaica Tayco
  • 2nd Place- Venice Izza Venancio
  • 3rd Place- Jhola Villanueva

TV Newscasting Filipino

  • 1st Place- John Ray Entrella
  • 2nd Place- Rec Anne Gayatin
  • 3rd Place- Sarah Mae Embac

Radio Announcing English

  • 1st Place- Hannah Marie Cabrillos
  • 2nd Place- Joanne Cagalawan
  • 3rd Place- Easter Joy Patulada

Radio Announcing Filipino

  • 1st Place- Kent James Zamora
  • 2nd Place- Angelica Muñoz
  • 3rd Place- Mitchie Flamiano

What’s your Reaction?
+1
0
+1
0
+1
0
+1
0
+1
0
+1
0
+1
0

INCOME SA PANAAD 2024 NAGDANGAT NA SA 4.4M

April 18, 2024

Naglab-ot sa P4.4 million pesos ang benta nga naganar sang mga kiosko sa ikaduha nga adlaw sang Panaad sa Negros Festival sa Panaad Park and Stadium Brgy. Mansilingan syudad sang Bacolod.

Sa datos nga ginpresentar sang gobyerno probinsiyal, pinakadaku nga naganar ang mga pavillon sang local government units nga may P2.4 million, ginasundan sang san miguel / garden show P1.1 million, food alley P400,000 , provincial veterinary P310,000 , trade fair MUAD P85,000, kag Office of the Provincial Agriculturist P58,000.

Nag-umpisa ang mga aktibidad sa Panaad sang Abril 15 kag magatapos sa Abril 21, 2024.

What’s your Reaction?
+1
0
+1
0
+1
0
+1
0
+1
0
+1
0
+1
0

CLO NAGPAANDAM NGA PWERSA NGA PAHALINON ANG MGA NAGABALIGYA SA GINKUDALAN NGA PROPEDAD SA BARANGAY 12

April 18, 2024

Pwersa nga pahalinon sang City Legal Office Enforcement Team ang mga nabilin pa nga nagabaligya sa vendors’ plaza kag mga katupad nga lugar nga sakop sa ginkudalan sang SM Prime para sa redevelopment project sang Manokan Country.

Ini matapos nga may pila pa ka mga nagabaligya sa lugar kaangay sang karenderya kag computer shop sa lugar.

Ginpahayag ni City Legal Officer Atty. Romeo Carlos Ting Jr., may demand letter na sadto nga ginpapanaug batuk sa mga nagapanag iya sang negosyo sa lugar pero wala sa gihapon naghalin tubtob karon.

Nagpaandam si Ting nga sirad-an ang lugar kag indi na pagbutangan sang alagyan ang ila customer sa maabot nga Lunes.

Ginatugyan ni Ting kay Mayor Albee Benitez ang pag desisyon kon maghatag sang ayuda sa mga ma apektuhan nga mga negosyo.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.