1SAMBAYAN PROVINCIAL CHAPTER IGA LANSAR BWAS NGA ADLAW

Share on facebook
Share on google
Share on pinterest
Share on twitter
Share on print

Opisyal nga igalansar  sa Negros Occidental bwas nga adlaw Abril 9, 2021 ang 1Sambayan provincial chapter, isa ka national broadbased coalition sang  pro-democratic forces.

Ini ang patigayunon sa Grand Hall sang Acacia Hotel syudad sang Bacolod. Suno  kay anay Negros Occidental Governor Rafael Coscolluela, isa sa mga lead convenors sang grupo, ang 1Sambayan ang ginpatukod sang grupo sang citizens  nga may kabalaka sa estado sang  nasyon  kag kalidad sang pang gobyerno sa idalom sang Duterte administration. 

Ang paglansar  ang kadungan sa “Araw ng Kagitingan”, isa ka ginakabig nga ‘red letter day’  nga nagamarka sang giyera sa Bataan sang  World War II.

Suno pa kay Coscolluela  i-anunsyo sang mga convenors  ang pinaka kwalipikado nga kandidato sa pagka presidente, bise presidente  kag senador. 

May 120 lamang  ka mga  partisipante  ang  gin imbetar sa  pagtambong, bisan pa nga makasarang sa pag akomodar sang tubtub 500 ka  mga persona  ang venue.

Ini   agud masunod ang minimum health protocols nga  30 percent capacity rule sa  mga meetings  ukon pagtililipon. | Aksyon Marlon Genovea

23 KA MGA BALAY GINPAIDALUM SA GRANULAR LOCKDOWN SA MURCIA

Ginpaidalom sa granular lockdown ang 23 ka mga balay sa banwa sang Murcia matapos magpositibo ang pila ka mga residente sa lugar.

Nagpapanaug sang executive order si Murcia Mayor Gerry Rojas nga nagamando sa pagpaidalom sa critical zone sa 13 ka mga balay sa Purok Piña, Brgy. Zone 1 kag 10 ka mga balay sa Purok Golden Kamote, Brgy. Zone 2, epektibo Mayo 7 tubtob Mayo 17.

Bangud sini, ginmanduan ang barangay council, tanod kag mga kapulisan nga istrikto nga ipatuman ang mga health protocols.

Sa pinakahulihi nga datus sang Murcia Rural Health Unit, 410 na ang kumpirmado nga kaso sang COVID-19, kun sa diin 60 diri ang aktibo nga kaso. | Aksyon John Diaz

DUHA GINDALA SA HOSPITAL MATAPOS ANG AKSIDENTE SA BARANGAY ALIJIS

Gindala sa hospital ang duha ka mga sakay sang motorsiklo matapos na aksidente sa atubang sang Shell gasoline station sa dalan Alijis, syudad sang Bacolod, Sabado sang gab-i.

Ginkilala ang driver sang motorsiklo nga si Rossfel Musni, residente sang Kabugwason, Barangay Mansilingan kag ang backrider sini nga si Lindy Lynn Arevalo, residente sang DC 1 RPHS, Barangay Alijis.

Ang mga biktima ang gikan sa birthday party kag papuli na sang natabo ang aksidente nga pagbunggo sa Toyata Innova nga ginamaneho ni Jennifer Genita, 41 anyos, sang City High, Barangay Taculing.

Ang motorsklo ang gikan West padulong East nga direksyon samtang ang Innova ang gikan East to West.

Suno kay Police Senior Master Sargeant Clark Cañon, traffic investigator sang Police Station 7, base sa alegasyon ni Genita, iya nakita nga ang motorsiklo ang yara sa center lane kag naga ikis-ikis ang dalagan rason nga nag nagbahar ini kag nagdesisyon nga maglikaw paagi sa pagtabok sa pihak nga dalan, pero nagbalik sa iya linya ang motorsiklo nga nangin kabangdanan sang aksidente.

Dugang pa ni Cañon, ginpahayag man ni Genita, nga iya ginalantaw nga base magliko ang motorsiklo.

Makita nga ang damage sang innova ang yara sa tuo sa una.

Suno kay Cañon, magabalik ini sa lugar sang insidente kag i-check ang mga CCTV.

Suno sa mga responder, conscious ang duha ka mga biktima sang gindala sa hospital.

MORE STORIES:

LIKE US ON FB

error: Ooops... You are not authorized to copy this content.