19.4M NGA BALOR SANG BUILDING SANG BFP-TALISAY, GIN INAGURAHAN

Share on facebook
Share on google
Share on pinterest
Share on twitter
Share on print

Ginpangunahan ni Bureau of Fire Protection (BFP) Regional Director Senior Supt. Jerry Candido ang inagurasyon sang bag-o nga building sang ahensya sa syudad sang Talisay.

Suno kay Candido, ang duha ka panalgan nga BFP building nagabalor 19.4 million pesos nga ginpondohan sang gobiyerno nasyunal para sa pumuluyo sang syudad.

Dugang pa ni Candido, isa ini sa madamo nga handom sang iya pagdumalahan nga makapatakod sang bag-o kag moderno nga edipisyo nga kabahin sang BFP Modernization program para sa syudad sang Bacolod kag Negros Occidental.

Palayag pa ni Candido nga sa masunod nga semana, natalana nga pagainagurahan ang bag-o nga BFP building sa syudad sang Silay kag antes matapos ang tuig 2020, ila naman pagainagurahan ang bag-o nga Bacolod City Fire Department nga napahamtang sa dalan San Juan, Brgy 8.

Una nga gin inagurahan ni Candido ang inagurasyon sang BFP Building sa banwa sang Hinigaran kag Pontevedra.

Ginpasalamatan ni Talisay City Fire Marshall Jovelyn Zamar si BFP Regional Director Senior Supt. Jerry Candido kag ang pamunuan ni Talisay City Mayor Niel Lizares para sa suporta nga ginhatag.

Suno kay Zamar, paagi sa pondo sang BFP National Office, napatukod ang bag-o nga building sang amo nga syudad.

Nagalaum si Zamar nga mas magataas pa ang moral sa hanay sang bombero matapos nagdonar ang pamunuan sang syudad sang bag-o nga fire truck.

Samtang, ginkumpirmar man ni Candido nga iya gina-organisa ang bag-o nga BFP Special Rescue Unit (SRU) para sa syudad sang Bacolod kag Negros Occidental.

Gin pahayag ni Candido nga sa masunod nga tuig, paga-umpisahan na ang SRU nga ginalakipan sang BFP Medical team, Rescue truck kag rescue vehicles nga ipahamtang sa bag-o nga building sang Bacolod City Fire Department kag magaserbe bilang 1st responder. | Aksyon Alvin Grava, Aksyon Dorel Cabatu

DUHA PILASON SA INSIDENTE SANG PAGPANGLABU SA CALATRAVA

Ginabulong karon sa San Carlos City Hospital ang 56 anyos nga amay matapos ginlabu sang mag-utod las 10:15 kagab-i sa Sitio Atabay, Barangay San Isidro, banwa sang Calatrava.

Ang biktima ginkilala kay Francisco Boliboli samtang ang mga suspek amo sanday Felipe Retable ,60 anyos, kag manghod sini nga si Bobby, 47 anyos, lunsay  residente sang amo nga lugar.

Sa inisyal nga pagpangusisa ni PMaj. Roberto Indiape, bangod gid lamang sa sa personal nga away kag kutsukutso, ginsulong sang mag-utod ang biktima ginbuno  kag ginlabu. 

Si Boliboli ang nakaangkon sang pilas sa likod sang lawas kag butkon.

Sa amo nga insidente, nakita ni Atellano Jorolan (umagad sang biktima) nga ginalabu sang mag utod ang  iya ugangan,  nagkuha man ini sang binangon kag ginlabu si Ratable.

Una nga gindala si Boliboli sa Calatrava District Hospital kag gilayon ginforward sa San Carlos City Hospital samtang si Ratable ang ginabulong sa Corazon Locsin Montelibano Memorial Regional Hospital.

Sa follow-up opreration sang kapulisan, nadakpan si Bobby samtang si Felipe ang buluntaryo nga nagsurender sa mga otoridad. | Aksyon Alvin Grava

DUHA GINDALA SA HOSPITAL MATAPOS ANG AKSIDENTE SA BARANGAY ALIJIS

Gindala sa hospital ang duha ka mga sakay sang motorsiklo matapos na aksidente sa atubang sang Shell gasoline station sa dalan Alijis, syudad sang Bacolod, Sabado sang gab-i.

Ginkilala ang driver sang motorsiklo nga si Rossfel Musni, residente sang Kabugwason, Barangay Mansilingan kag ang backrider sini nga si Lindy Lynn Arevalo, residente sang DC 1 RPHS, Barangay Alijis.

Ang mga biktima ang gikan sa birthday party kag papuli na sang natabo ang aksidente nga pagbunggo sa Toyata Innova nga ginamaneho ni Jennifer Genita, 41 anyos, sang City High, Barangay Taculing.

Ang motorsklo ang gikan West padulong East nga direksyon samtang ang Innova ang gikan East to West.

Suno kay Police Senior Master Sargeant Clark Cañon, traffic investigator sang Police Station 7, base sa alegasyon ni Genita, iya nakita nga ang motorsiklo ang yara sa center lane kag naga ikis-ikis ang dalagan rason nga nag nagbahar ini kag nagdesisyon nga maglikaw paagi sa pagtabok sa pihak nga dalan, pero nagbalik sa iya linya ang motorsiklo nga nangin kabangdanan sang aksidente.

Dugang pa ni Cañon, ginpahayag man ni Genita, nga iya ginalantaw nga base magliko ang motorsiklo.

Makita nga ang damage sang innova ang yara sa tuo sa una.

Suno kay Cañon, magabalik ini sa lugar sang insidente kag i-check ang mga CCTV.

Suno sa mga responder, conscious ang duha ka mga biktima sang gindala sa hospital.

MORE STORIES:

LIKE US ON FB

error: Ooops... You are not authorized to copy this content.