18 KA STALLS SANG NAGABALIGYA BULAK SA PLAZA, GIN DEMOLISH NA

Share on facebook
Share on google
Share on pinterest
Share on twitter
Share on print
Gin demolish na sang City Legal Enforcement Unit ang 18 ka mga stalls sang flower vendors sa Bacolod City Public Plaza subong nga adlaw, Nobiembre 12. 
Ginpahayag ni Executive Assistant Ernesto Pineda, cluster head sang sectoral concern, boluntaryo man nga nagbulig ang mga nagabaligya sang bulak sa pagguba sang ila istraktura sa plaza. 
Suno kay Pineda, nakasaylo kag yara na sa likod Bays Center sa dalan Ferrero ang mga flower vendors. 
Nagasalig si Pineda nga mamintinar sang mga flower vendors ang katinlo sa lugar kag ila ma establisar ang ila negosyo. 
Nagpasalamat naman si Glen Amar, presidente sang Bacolod Plaza Flower Vendors Association, sa bulig sang syudad nga ginhatag sa ila. 
Nagpangabay si Amar sa iya mga myembro nga ihaboy sa insakto nga lugar ang mga basura.*Aksyon Dale Salazar

MANGUNGUMA PATAY MATAPOS GINTIRO SANG GWARDYA

Patay sang gindangat sa Hinigaran Emergency Clinic ang isa ka mangunguma sang luthangon sa Hacienda Bail, Barangay Tuguis, Banwa sang Hinigaran kahapon, Myerkules sang aga.

Ang biktima ginkilala nga si Julius Denagiba, 35 anyos, pamilyado kag nagapuyo sa amo man nga lugar, samtang ang suspetsado nga gwardiya ginkilala kay Rogel Belonio, 55 anyos, pamilyado kag nagapuyo sa Barangay Singcang Airport, syudad sang Bacolod.

Suno kay PMaj Jake Barila, hepe sang Hinigaran PNP, nagpaharab sang karbaw ang anak kag hinablos ni Denagiba malapit sa duta nga ginabantayan ni Belonio.

Pila ka minutos nag-abot ang biktima sa lugar kag nagbaisay sila sang suspetsado tubtob nga ginluthang ini gamit ang 12 gauge shotgun.

Naka-angkon sang malubha nga pilas si Denagiba nga gindeklarar nga patay sa clinic sa Hinigaran.

Padayon pa ginapangita si Belonio kag isa pa ka gwardiya nga upod sini nga si Eric Soriano sang San Isidro, Banwa sang Pontevedra tanan sa idalum sang RHN Security Agency.

Ang biktima isa lang sa madamo nga benepisyaryo sa amo nga duta nga ginapanag-iyahan sang pamilya Magallanes, apang wala pa sang CLOA. 

Dugang ni Barila, bangud nga benepisyaryo ini may daan na nga indi pag-intindihanay ang nga blue guards kag ang mga bepisyaryo sang duta nga ila ginabantayan.

MORE STORIES:

LIKE US ON FB

error: Ooops... You are not authorized to copy this content.