18 ANYOS NGA BABAYE NALUMOS SA BUBON SA HIMAMAYLAN

Share on facebook
Share on google
Share on pinterest
Share on twitter
Share on print

Patay na sang na-recover ang lawas sang 18 anyos nga babayi matapos nalumos sa bubon nga ginasag-uban sini sang tubig, sa Sitio Balabag, Barangay San Antonio, syudad sang Himamaylan las 11 sang aga, Lunes.

Ang napatay ginkilala sa kay Maica Gapan kag pomuluyo sa lugar nga natabuan sang aksidente.

Sa imbestigasyon sang Himamaylan PNP, las 7 kaina sang aga sang ulihe nga nakit-an si Gapan nga nagkadto sa bubon agod magkuha sang tubig bangod nagapanglaba ini sang iya mga bayo.

Natingala ang iya pamilya matapos nga wala na nila nakit-an si Gapan kag sang gin usisa sa bubon, nakit-an ang iya tsinelas nga nagalutaw.

Nadesisyunan sang pamilya nga sag-ahon ang tubig sang bubon nga nagadalom sang 30 ka tapak kag didto nakit an ang lawas ni Gapan mga las 11 na sang aga.

Gindala pa si Gapan sa Governor Valeriano Hospital apang gindeklarar nga patay.

Gin ako sang pamilya nga indi kahibalo maglangoy sa Gapan rason nga nalumos ini sang aksidente nga makadanlog kag nagsulod sa madalom nga bubon. | Aksyon Ann Defensor

MORE STORIES:

LIKE US ON FB

error: Ooops... You are not authorized to copy this content.