Arestado ang 18 anyos nga dalaga sa buybust operation sa Dumos Dei, Brgy Rizal, syudad sang Silay, Biernes nga adlaw.
Ang suspek ginkilala kay Rochelle Artagame sang Brgy. Elopez, samtang nakapalagyo sa operatiba ang upod sini nga si Jayger Carmania residente sang Brgy. Lantad, sa amo nga syudad.
Suno kay Maj. Rollie Pondevilla, hepe sang Silay City PNP, ang duha ka gin-alegar suspek ang nalista bilang mga street level individual kag madugay na nga nagabaligya sang ilegal nga droga.
Narekober kay Artagame ang 5 gramo sang ginasuspetsuhan shabu balor 34 mil pesos.
Ditinido karon sa custodial facility sang Silay PNP si Artagame kag natalana nga igapaidalum sa drug test samtang ang mga ebidensya ang ginpaidalum na sa Laboratory Examination. | Aksyon Alvin Grava