170 KA MGA KABATAAN NAKA BENEPISYO SA GIFT-GIVING ACTIVITY SANG NOCPPO

Share on facebook
Share on google
Share on pinterest
Share on twitter
Share on print

Nagpatigayon sang gift giving activity ang Negros Occidental Police Provincial Office kaupod ang iban nga mga stakeholders kahapon nga adlaw sa syudad sang Talisay kag Silay.

Ini may kaangtanan sa National Children’s Month nga may tema, “Sama-samang Itaguyod Ang Karapatan ng Bawat Bata sa Panahon ng Pandemya”.

Sa Press release, 170 ka mga kabataan ang nagbaton sang tsinelas sa Sitio Lantawan, Barangay Guimbalaon Silay City, samtang ang ila mga ginikanan ang nagbaton sg face shields, face masks, food packs kag vitamins.

Samtang sa Barangay Katilingban, syudad sang Talisay, 60 ka miyembro sang Indigenous People kag 50 ka kabataan ang nagbaton sg mga tsinelas, face shields, face masks, food packs kag vitamins.

Nagpasalamat naman si Police Colonel Romy I Palgue, Provincial Director sg NOCPPO sa mga stakeholders kag Philippine Airforce nga nakigbahin sa sini nga aktibidad.

Nahibaluan nga ang Yusay Foundation paagi kay Sharon Jornadal ang naghatag vitamins.

Ang 250 ka pares sg tsinelas ang ginhatag sang Regional Training Center 6 sa idalom sang pagpamuno ni Police Lieutenant Colonel Giovanni Musico, the Regional Training Director.

Samtang ang Local Government Units ang nagpanghatag sang foodpacks. | Aksyon Eden Aboso

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.