17 SA 45 NGA CLOSE CONTACT SANG COVID-19 POSITIVE NGA PASTOR KAG DUHA KA KAUPOD SINI NAGPOSITIBO MAN SA VIRUS

Share on facebook
Share on google
Share on pinterest
Share on twitter
Share on print

Nagpositibo sa COVID-19 ang 17 sa 45 nga close contacts sang pastor kag duha ka kaupod sini nga una nga nagpositibo sa virus, sa Barangay Manghanoy, banwa sang La Castellana.

Sa interview sa Aksyon Radyo Bacolod, ginkumpirmar ni La Castellana Mayor Rhumyla Mangilimutan nga naggwa ang positibo nga resulta sang pastor kag duha ka kaupod sini sadtong Setyembre 29 kag karon yara na sila sa isolation facility sa banwa sang EB Magalona.

Suno pa sa alkalde, sa 17 ka close contacts nga nagpositibo, napulo sa ila ang gindala sa isolation facility sa Barangay Bi-ac na Bato kag pito ang gindala sa Social Evacuation center sa South Elementary School.

Si Manguilimutan ang nagakuha pa sang dugang nga impormasyon kon paano na-infect ang pastor kag duha ka kaupod sini.

Samtang, nagapadayun ang contact tracing efforts sang banwa para sa mga close contact naman sang 17 ka dugang nga nagpositibo.

MORE STORIES:

LIKE US ON FB

error: Ooops... You are not authorized to copy this content.