17 KA MGA BACOLODNON OFWs NAKAPULI NA SA ILA NGA BALAY

Share on facebook
Share on google
Share on pinterest
Share on twitter
Share on print

Naka pauli subong nga adlaw, Sabado sa ila tagsa ka mga puluy-an ang 17 tanan ka mga OFW nga taga syudad sang Bacolod matapos ang 14 ka adlaw nga mandatory quarantine nga gin patuman.

Suno kay Councilor Israel Salanga Chairman sang Action Team for Returning OFW ukon ATRO, ini nga mga OFW ang kabahin sang first batch nga nag abot sa Bacolod sadtong Abril 28 nga gin paidalum sa quarantine kag maka pila beses nga gin kuhaan sang RT-PCR test sa diin nangin negatibo naman ang resulta.

Dugang pa ni Salanga, gin manduan man sang syudad ini nga mga persona nga magpabilin sa ila tagsa ka mga puluy-an sa sulod sang 14 ka adlaw para sa home quarantine antis ini sila ang tugutan nga maka gwa sa komunidad.

Sa karon ang Bacolod suno pa kay Salanga ang may yara pa sang nabilin 21 tanan ka mga OFW nga naghalin sa bahin sang Cebu kag Manila. | Aksyon Art Tayhopon

BACOLOD MAY YARA NA LAMANG SANG 10 KA VACCINATION CENTERS

May yara na lamang sang 10 ka mga vaccination centers ang syudad sang Bacolod para sa pagbakuna sa tion nga mag abot na ang Covid-19 vaccines.

Suno kay Councilor Renecito Novero, chair sang vaccination action center team, humalin sa 22 ka proposed vaccination centers, ini ang ginpanubuan sa 10, base man sa ginkasugtan sa damlag lang pagsinapol sang Covac council.

Ginpaathag ni Novero, nagakaigo na ang pulo ka vaccination centers bangud kon pasubrahan posible indi ini masarangan sang mga healthcare personnel, resources, ukon logistics. Ang vaccination centers ang nahamtang sa strategic areas.

Sa karon, indi pa mapalayag ni Novero ang lugar bangud ginavalidate pa ini sang iya team, Bacolod City Health Office, City Engineer’s Office kag iban pa.

Ang syudad ang una na nga nagbakal sang 650,000 doses sang vaccine gikan sa AstraZeneca pero wala pa mahibaluan kon san-o ini maga-abot. | Aksyon Dale Salazar

LALAKI, PILASON MATAPOS NAKURYENTE

(Contributed Photo | CTTO)

Nakuryete ang isa ka naga-sidline sa pagpamanday sa Purok Sunshine, Barangay E. Lopez, Syudad sang Silay.

Ang biktima ginkilala kay Antonio Zamora, 33 anyos, pamilyado nagapuyo sa Purok Langka sa amo man nga Barangay kag isa ka tricycle driver.

Suno sa ugangan ni Zamora nga si Edgar Relojas, iya ginsugo ang biktima nga kuhaon ang metal purlins sa ikaduha nga andana sang ila gina-ubra ugaling nasangit ini sa linya sang central negroa electric cooperative ukon ceneco.

Nahulog ang biktima kag nakaangkon sa madamo nga paso lawas kag nagsuka sang dugo. Gilayon ini gindala sang hospital. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.