Ginabulubanta 160 ka persona ang gin-evacuate halin sa Sitio Namundua, Barangay Cambudlas, banwa Bindoy, Negros Oriental matapos nagluntad ang engkwentro sa tunga sang 94th Infantry Battalion sang Philippine Army kag New People’s Army ukon NPA sadtong huwebes sang hapon.
Suno kay Lt. Angelo Guzman sang 94th IB, ginpakamaayo nila nga ibutang sa seguridad ang pumuloyo samtang padayon ang ila paglagas sa mga ginapatihan NPA.
Ginpahamtang sa proper sang Bindoy mismo ang mga apekatado nga pomuluyo kag ginpasiguro nga masuportahan sang lokal nga gobyerno ang ila kalan-on samtang yara sa evacuation center.
Indi pa mahambal ni Guzman kun san-o sila makabalik sa ila puloy-an, bangud padayon ang hot pursuit operation.
Nahibaluan, patay sa engkwentro ang tatlo ka NPA kag posible madamo sang pilason bangud sa mga tinulo-tulo sang dugo sa lugar sang engkwentro.
Gina-identify pa sang otoridad ang mga nagkalamatay bangod indi sila kilala sa lokalidad. Samtang, may isa naman nga napilasan sa bahin sang tropa military.