Nag negatibo sa RT-PCR Test sang Covid-19 ang 16 ka mga tawo nga may exposure sa Covid-19 Patient 9 sa syudad sang Bacolod.
Ini ang gin anunsyo ni Bacolod Mayor Evelio Leonardia sa virtual press briefing, Mayo 5.
Si Patient 9 ang 62 anyos nga babaye nga residente sang Purok Bayanihan, Brgy. Banago nga karon stable ang kondisyon kag naka facility quarantined.
Suno sa Alkalde, si Patient 9 ang may 22 tanan ka mga close contacts, 19 diri ang negatibo samtang pending ang tatlo.
Gin anunsyo man ni Leonardia, ang nag taliwan nga Covid-19 positve sa Purok Sabes ang may 24 tanan ka close contacts lakip na ang 9 ka mga health workers kag tanan ang negatibo sa virus.
Suno sa Alkalde, bwas nga adlaw, Mayo 6, maga tapos na ang lockdown sa Purok Sabes samtang sa Mayo 10 naman magatapos ang lockdown sa Purok Bayanihan.
Nagpasalamat si Leonardia kay Kapitan Rommel Flores sang Villamonte kag Kapitan Ricky Mijares sang Banago kag sa mga pumuluyo sa ila kooperasyon sa gin patuman nga lockdown sa duha ka mga lugar.
Sa kabug-usan, ang Bacolod ang nakapadala sang 536 ka mga specimen sa laboratoryo, 440 diri ang negatibo sa virus, 9 ang positibo, kag 86 ang naga pabilin nga pending.
Sa karon, 64 ka mga tawo ang gina monitor sang otoridad. | Aksyon Dale Salazar