16 ka mga Barangay sa syudad sang Bacolod ang wala sang transmission sang Covid-19 sa tinalikdan nga 14 ka adlaw.
Sa virtual press briefing subong nga hapon, Oktubre 13, gin pahayag ni Dr. Chris Sorongon, deputy for medical sang Emergency Operations Center sang Bacolod, ang Barangay nga wala sang local transmission amo ang Baranay 25, 26, 13, 38, 34, 18, 32 36, 9, 4, 12, 11, 15, 21, 22 kag 24.
Gina kilala ni Sorongon ang papel sang mga Barangay Officials sa pakig-away kontra Covid-19 nga naga bulig sa pag seal-off sa apektado nga lugar, naga bulig sa contact tracing, naga hatag sang food packs kag iban pa.
Samtang, nag pangabay naman si Dr. Hector Gayares, deputy for medical sang EOC, nga kon may gina batyag nga sintomas sang Covid-19 mas maayo nga mag padulong sa Bacolod Respiratory Outpatient Center ukon BRO Center para ma assess ang sitwasyon kag kon kinahanglan nga ipaidalum sa swab test.
Nanawagan si Gayares kag Sorongon sang kooperasyon sang tanan paagi sa pagtuman sa mga health protocol.