Kapin 15 ka pasahero kalakip ang apat ka kabataan ang na-rescue matapos naaksidente ang pumpboat bangod sa malain nga panahon sa Sagay Marine Reserve syudad sang Sagay, las 2 sang hapon, Biyernes, Enero 3.
Suno kay Lt. Com Jansen Benjamin sang Philippine Coast Guard-Negros Occidental, gikan sa Old Sagay Port pakadtu sa Carbin reef ang mga biktima sang natabo ang aksidente.
Ang mga pasahero ang gikan sa Murcia kag Talisay nga magakadto kuntane sa Carbin Reef para sa family outing.
Narescue man ang operator sang pumpboat ginkilala kay Darnel Crisimo, 22 anyos kag ang upod sini nga ginkilala kay Birnald Agisanda, 36 anyos.
Dugang pa ni Benjamin, ila pa gina usisa kon bala may buslot ang pump boat kon nga-a nasudlan ini sang tubig.
Yari ang mga ngalan sang mga pasahero nga sa karon yara na sa maayo nga kahimtangan;
1. Laurence Khent Gaim, 10
2. Justin Andre Perez, 9
3. Cheryl Perez, 33
4. Tessie Gonzales, 55
5. Carmela Garpel, 35
6. Gigger Garpel, 80
7. Cyrell Viel Gasper, 4
8. Diana Gosim, 32,
9. Joemar Gravino, 28
10. Ma. Cecilia Gravino, 29
11. Vince Keanu Gravino, 7
12. Kristoff Dhionnego, 1
13. Rodnel Peruelo, 14
14. Nanneth Peruelo, 38
15. Leonita Gravino, 60