15-0 PARA SA GRUPO PROGRESO SA 2019

Share on facebook
Share on google
Share on pinterest
Share on twitter
Share on print

Target sang Grupo Progreso sa pagpamuno ni Bacolod Mayor Evelio Leonardia nga 15-0 ang mangin resulta sang 2019 midterm elections sa Bacolod. Suno kay Leonardia, ang ila target ang indi para sa ila kausa kundi para sa Bacolod agud madamo sang proyekto ang mapatuman kag madasig ang pag-uswag sang syudad. Dugang pa ni Leonardia, malab-ot lamang ang ini nga handum kon naga-isa kag naga-intiendihanay ang mga opisyal. Suno pa sa alkalde, plastado na ang line-up sang Grupo Progreso apang paga-estoryahan pa sang grupo kon san-o ang petsa sa pag-anunsyo sang ila mga kandidato. Nagapati si Leonardia nga mas mabakod ang ila line-up subong nga eleksyon ikumparar sadtong 2016 elections. Sa nahibaluan, sanday Vice Mayor El Cid Familiaran, Congressman Greg Gasataya kag kalabanan sa mga konsehal ang nalakip sa Grupo Progreso.

PDEA: SIYAM KA DRUG GROUP LEADERS AKTIBO NGA NAGASUPLAY SANG DROGA SA BACOLOD KAG NEGROS OCCIDENTAL

Ginkumpirmar ni PDEA Negros Occ. Head, Nicholas Gomez, nga 9 ka mga drug group leaders ang aktibo nga nagasuplay sang ilegal nga droga sa syudad sang Bacolod kag Probinsya.

Sa interview sang Aksyon Radyo Bacolod kay Gomez, ginpahayag sini nga isa si Michael Divinagracia sa 9 ka mga drug group lider nga nagpanago kag napatay sa probinsya sang Rizal.

Dugang pa ni Gomez, nahibaluan sang ila ahensya ang ngalan sang 8 pa ka mga lider paagi sa rebelasyon sang mga nagkaladakpan sa buy-bust operation.

Kaangay sang istilo sadto ni Michael Divinagracia kag sang grupo sini, naglaylo kag ginpili sang mga drug group lider nga magpalayo sa syudad kag magtiner sa Luzon agud indi makita sang otoridad.

Ginpahayag ni Gomez ang bag-o nga istilo sang mga ilegalista, ina amo ang pagkuha sang bag-o nga drug personality nga ginahimo bilang bagsakan sang ilegal nga druga. | Aksyon Alvin Grava

PH FLAG SA BGC KAG PROVINCIAL CAPITOL NAKA HALF-MAST KASUNOD SANG PAGTALIWAN NI ANAY PRESIDENTE BENIGNO AQUINO

Parehas nga naka half-mast ang hayahay sang Pilipinas sa Bacolod Government Center kag sa Kapitolyo Probinsyal.

Ini bilang pagpakita sang respeto sa nagtaliwan nga si anay Presidente Benigno Aquino III kaina sang aga, Hwebes.

Si Mayor Bing Leonardia ang nag isyu sang Executive Order No. 33 series of 2021 nga naga mando nga i-half-mast ang tanan nga PH flag sa syudad sang Bacolod.

Sa mensahe ni Leonardia, ginpahayag nga nagbugtaw ang bug-os nga pungsod sa masubo nga balita angut sa wala gina paabot nga pagtaliwan sang anay Presidente.

Nagapasalamat si Leonardia sa pagserbisyo ni Aquino para sa mga pumuluyo sa pungsod.

Nagapasalamat si Leonardia sa pagserbisyo ni Aquino para sa mga pumuluyo sa pungsod.

Samtang, nagpabutyag sang kasubo si Vice Mayor Elcid Famillaran sa natabo nga pag taliwan ni Aquino.

Suno kay Famillaran, indi man sila personal nga kilalahay ni Aquino, apang nangin partymate sini sa Liberal Party si Aquino sadtong tiyempo nga ini ang napilian bilang konsehal sang Bacolod.

Dugang pa ni Famillaran, ang pagtaliwan ni Aquino ang isa ka klaro nga manipestasyon nga tanan kita sigurado nga madula sa kalibutan apang wala lamang mahibaluan ang pat-od nga tiyempo.

MORE STORIES:

LIKE US ON FB

error: Ooops... You are not authorized to copy this content.