13 KA MGA OFWs NGA NAG NEGATIBO SA RT-PCR TEST MAGA ABOT SA BACOLOD SUBONG NGA SEMANA

Share on facebook
Share on google
Share on pinterest
Share on twitter
Share on print

Maga balik sa syudad sang Bacolod ang 13 ka Bacolodnon nga stranded OFWs sa Cebu subong nga semana.

Suno kay Councilor Israel Salanga, chair sang Action Team on Returning OFWs, nag pangabay ang OWWA-Cebu sa probinsya kag sa syudad nga i-repatriate ang mga stranded OFWs sa Cebu matapos nag takop ang ila 14-day quarantine period sa lugar.

Dugang pa ni Salanga, nagwa man nga negatibo sa Covid-19 ang 13 ka mga OFWs.

Suno sa Konsehal, nag hatag na ang LGU sang Bacolod kag Negros Occidental sang letter of acceptance kag nag sugot ang mga returning OFWs nga sila ang liwat nga ipaidalum sa 14-day quarantine kag RT-PCR Test antes sila nga makapauli sa ila nga balay para sa seguridad sang ila pamilya kag pumuluyo sang syudad.

Suno kay Salanga, ang mga stranded OFWs ang madungka sa Escalante Port kag preparado na ang ila mga individual rooms nga paga bayaran sang OWWA.

Samtang, gin anunsyo ni Salanga bwas nga adlaw, Mayo 13 maga abot ang 10 ka returning OFWs nga kuntane schedule nga mag abot sa syudad subong nga adlaw, Mayo 12. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.