13.6M SANG SUSPECTED SHABU NAKUMPISKAR SA TATLO KA PERSONA SA BRGY. SINGCANG-AIRPORT, BACOLOD

Share on facebook
Share on google
Share on pinterest
Share on twitter
Share on print

Nakumpiskar ang 13.6 milyones pesos ukon duha ka kilo sang ginasuspetsuhan shabu sa buy bust operation sang Philippine National Police (PNP) Drug Enforcement Group Special Operations Unit 4 kag 7 sa JR Torres Subdivision, Brgy. Singcang-Airport syudad sang Bacolod subong nga gab-i, Lunes.

Ang mga nadakpan amo sanday Jun Mark Ibe, 28 anyos; Regine Arroz, 28 ang edad kag ang kabulig sa balay nga Sheila Mhary Balarao, 35 anyos sang banwa sang Pulupandan.

Na-recover sa operasyon ang 20 ka dalagko nga putos kag tatlo ka mga bulto sang sang ginasuspetsuhan shabu; kilohan kag kwarta.

Ang recoveries nga ginasuspetsuhan shabu, gin alegar nga ginpadala bilang package gikan sa Metro Manila kag kaina gid lamang ginkuha sa bodega sa reclamation area.

Ang mga shabu ang ginsulod sa karton sang mga pagkaon.

Magapabilin priso sa custodial facility sang Police Station 8 ang tatlo ka nadakpan kag natalana pasakaan sang nagakaigo nga kaso. | Aksyon John Diaz, Aksyon Ann Defensor

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.