(adsbygoogle = window.adsbygoogle || []).push({});

122K NGA BALOR SANG ALAHAS KAG KWARTA, NAKAWAT

Share on facebook
Share on google
Share on pinterest
Share on twitter
Share on print

Kapin sa 122,000 pesos nga kwarta kag bili sang alahas ang nakuha sang mga kawatan sang ila ginsulod ang isa ka puloy-an sa Purok Villa Esperanza Barangay Tangub syudad sang Bacolod, Byernes sang gab-i, Hunyo 5.

Sabado na sang aga sang nadiskobrihan sang tag-iya sang balay nga si Rolando Castillo nga wala na ang iya alahas nga nagabili sang 42,000 pesos kag cash nga 80,000 pesos.

Suno kay Police Staff Sgt. Roberto Gaurana, inbestigador sang Police Station 8, nag-agi ang kawatan sa second floor sang puloy-an sang biktima nga wala pa mahuman paagi sa pagkakas sang crystal sang bintana.

Suno kay Gaurana, nabatyagan pa ni Castillo nga may naglagapok sa atop sang iya balay apang wala man niya ini ginsapak.

Wala sang CCTV ang balay sang biktima.

Tubtub karon wala pa makilala sang kapulisan ang mga persona nga nag sulod sa balay sang biktima. | Aksyon Eric Magbanua

MORE STORIES: