118K NGA BALOR SANG GINAPATIHAN SHABU NAKUMPISKAR SA SEPARADO NGA BUY-BUST OPERATIONS

Share on facebook
Share on google
Share on pinterest
Share on twitter
Share on print

Narekober ang 118,600 pesos nga bili sang shabu sa buy-bust operation sang Regional Drug Enforcement Unit ukon RDEU, Police Station 3 kag Police Station 4 nagligad nga Myerkules nga gab-i.

Una nadakpan sang RDEU si Arnold Corpuz kag Jason Baladhay, lunsay pumuloyo sang syudad sang Talisay.

Si Corpuz kag Baladhay ang nadakpan kagab-i sa Doña Juliana Subd. Brgy Taculing syudad sang Bacolod sa diin narekober sa ila ang 105 mil pesos nga bili sang shabu.

Nadakpan man sang Police Station 3 sa North Ceres Terminal Brgy. Bata si Ryan Ledesma, 35 anyos, pumuloyo sa syudad sang Victorias.

Nakuha niya ang shabu sa Sitio Sibucao Barangay Banago syudad sang Bacolod nga kontani iga-deliver sa syudad sang Victorias.

Nadakpan man sang Police Station 4 sa Narra Lopez-Jaena Street Barangay Villamonte si Rey Yungco, 41 anyos kag pumuloyo man sang nasambit nga lugar.

Sais-mil otsoyentos pesos kada-isa nga bili sang shabu ang narekober kay yungco kag Ledesma.  | Aksyon Eric Magbanua

HANAY SANG NEGOSYANTE PABOR NGA IPAIDALUM SA GCQ ANG PROBINSYA

Kumporme ang mga negosyante nga ipaidalom sa General Community Quarantine kag pagligwat sang gurfew hours nga ipatuman sa probinsiya sg Negros Occidental. 

Sa interview sg Aksyon Hotline kay Metro Bacolod Chamber of Commerce and Industry chief executive Frank Carbon, nalipay sila kag ila gina abi-abi ang ginpatuman nga solusyon ni Governor Eugenio Jose Lacson kag sang mga alkalde sang kada banwa kag syudad.

Dugang pa ni Carbon, gamay lang ang epekto kon temprano pa magasira ang mga negosyo bangud  makabawi man kon aga.  Palayag ni Carbon, dyutay gid lamang ang adjustment kag kinalain sang mga pagsulundan kon napaidalom ang lugar sa MGCQ ukon GCQ. 

Suno kay Carbon, panahon na nga pahanugutan ang local IATF nga magdesisyon sang para sa ila mga nasakupan bangud sila ang mas nakahibalo sg dapat kag mga kinahanglanon sang mga pumuluyo. | Aksyon Eden Aboso

BACOLOD GINA FINALIZE ANG PAGLIGWAT SA REGULASYON SA LIQUOR BAN

Gina tapos na lamang sang komitiba ang pag dihon sang Executive Order nga naga tuyo sa pag ligwat sang liquor ban nga regulasyon sa syudad sang Bacolod.

Suno kay City Legal Officer Atty. Joselito Bayatan, wala gid man sang dako nga pagbag-o sa amo nga regulasyon magluwas sa pag suspend sang gradual permission nga gin hatag sang syudad sa pila ka mga negosyante nga gin tugutan sa pag serbe sang ilimnon ilabi na sa mga hotel kag restaurant.

Dugang pa ni Bayatan, mahimo sa gihapon nga maka bakal sang ilimnon ang publiko apang base lamang sa gin talana nga tiyempo kag dapat patigayunon lamang sa sulod sang puluy-an kag indi sa pampubliko nga lugar.

Sa idalum sang existing nga regulasyon, pwede makaserbe kag makainom sa pila ka mga establisamento umpisa las 6 tubtob las 9 sang gab-i, samtang ginatugutan ang pagbakal sang ilimnon humalin las 12 sang udto tubtob las 6 sang gab-i pero mag inom sa pribado nga lugar. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.