11 KA MGA BALAY SA BRGY. 16, BACOLOD CITY GIN-SEALED OFF

Share on facebook
Share on google
Share on pinterest
Share on twitter
Share on print
(Punong Barangay Joseph Delos Santos Photo)

Ginsealed-off ang 11 ka mga puluy-an sa tatlo ka mga purok sa Barangay 16 syudad sang Bacolod matapos magpositibo sa COVID-19 ang duha ka mga Job Order (JO) sang syudad sang Bacolod nga residente sang amo nga lugar.

Suno kay Barangay Kapitan Joseph Delos Santos, ang duha ka mga lalaki nga nagpositibo sa COVID-19 ang empleyado sang General Services Office (GSO) kag Office of the Senior Citizens Affairs (OSCA).

Anum ka mga balay sa Purok King Fisher B, tatlo sa Purok Tulihaw kag duha sa Purok Punay sa Barangay 16 ang ginsealed-off.

Apektado sa sealed-off ang kapin 40 ka mga persona. Ginpaidalom na sa swab test ang 17 ka mga persona nga nadala sa contact tracing.

Temporaryo nga ginpasirad-an ang barangay hall para sa disinfection matapos mahibaloan ni Delos Santos nga ang utod sang isa ka nagpositibo sa COVID-19 isa ka Barangay Health Worker (BHW) nga nakakadto pa sa barangay hall antis pa man maggwa ang resulta sang RT-PCR test.

Ang puluy-an ni Delos Santos ang magaserbi karun nga temporaryo nga barangay hall. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.