SECTIONS

105K NGA BALOR SANG DROGA, NAKUMPISKAR; TATLO, ARESTADO

  • at 5:17 pm
Share on facebook
Share on google
Share on pinterest
Share on twitter
Share on print

Nagkaladakpan ang tatlo ka mga persona sa buy-bust sa Loney Street, Barangay Mambulac, syudad sang Silay sadtong Lunes nga adlaw.

Ang mga suspetsado ginkilala nga sanday Jerald Flores, 27 anyos nagapuyo sa amo man nga Barangay, Rigor Capana, 25 anyos nagapuyo sa Barangay E. Lopez kag Juncel Cuenca, 21 anyos sang Barangay Guinhalaran tanan sa amo man nga syudad.

Suno kay PMajor Rollie Pondevilla, ang subject nga Flores ginakabig nga street level target ukon SLT.

Nakumpiskar sa ila puder ang pito ka gramo sang ginapatihan shabu nga nagabalor sang 105, 000 pesos, 225 nga kwarta, 1, 500 nga buybust money kag isa ka auto. | Aksyon Bryan Morden

BACOLOD MAY YARA NA LAMANG SANG 10 KA VACCINATION CENTERS

January 26, 2021

May yara na lamang sang 10 ka mga vaccination centers ang syudad sang Bacolod para sa pagbakuna sa tion nga mag abot na ang Covid-19 vaccines.

Suno kay Councilor Renecito Novero, chair sang vaccination action center team, humalin sa 22 ka proposed vaccination centers, ini ang ginpanubuan sa 10, base man sa ginkasugtan sa damlag lang pagsinapol sang Covac council.

Ginpaathag ni Novero, nagakaigo na ang pulo ka vaccination centers bangud kon pasubrahan posible indi ini masarangan sang mga healthcare personnel, resources, ukon logistics. Ang vaccination centers ang nahamtang sa strategic areas.

Sa karon, indi pa mapalayag ni Novero ang lugar bangud ginavalidate pa ini sang iya team, Bacolod City Health Office, City Engineer’s Office kag iban pa.

Ang syudad ang una na nga nagbakal sang 650,000 doses sang vaccine gikan sa AstraZeneca pero wala pa mahibaluan kon san-o ini maga-abot. | Aksyon Dale Salazar

KASO ADMINISTRATIBO IPASAKA BATUK SA CANDONI POLICE NGA NAGPOSITIBO SA DROGA

January 26, 2021

Natalana nga ipasaka sa masunod nga simana ang kaso administratibo batok sa pulis nga Candoni nga nagpositibo sa illegal nga druga.

Suno kay Negros Occidental Police Provincial Office ukon NOCPPO Deputy Spokesperson PLt Abegael Donasco, ginhatagan liwat sang isa pagid ka simana ining corporal agud makapaathag sa iya bahin.

Dugang ni Donasco, tanan nga proseso ginpatuman sa iya, antis pana man mapasakaan sang kaso. Ining pulis gin-assign gilayon sa Regional Office sang PNP kag dis-armado.

Madumduman, naga-isahanon siya nagpositibo sa lima nga ginpa-idalum sa drug test sadtong Deciembre 2020. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.