SECTIONS

102K NGA BALOR SANG SUSPECTED SHABU, NAKUMPISKAR

  • at 6:44 pm
Share on facebook
Share on google
Share on pinterest
Share on twitter
Share on print

Masobra 100 mil ka pesos nga balor sang ginapatihan ilegal nga droga ang narekober sa buy-bust operation sa Prk Kahirup Village, Brgy Singcang Airport, syudad sang Bacolod kaina sang aga, Hwebes.

Ginkilala ang nadakpan kay Marc Plary Bayonita, 36 anyos residente sang Brgy Mambulac, syudad sang Silay.

Si Bayonita ang ginakabig nga High Value Individual kag naaktuhan sang kapulisan nga nagbaligya sang ilegal nga droga.

Narekober sa suspek ang (6) anum ka heat-sealed transparent plastic sachet sang ginasuspetsuhan shabu ginabulubanta 15 gramos ang kabug-aton nga may market value 102 mil ka pesos. Preso ang nadakpan sa Police Station 8. | Aksyon Alvin Grava

28 KA LSI SA DSB, NEGATIBO SA COVID-19

January 23, 2021

Nag negatibo sa Covid-19 RT-PCR test ang 28 ka mga Locally Stranded Individuals (LSIs)  nga nagpauli sa  Don Salvador Benedicto Negros Occidental halin sa syudad sang Cebu.

Ini ang gin anunsiyo sang Municipal Inter-Agency Task Force COVID-19  sa  Don Salvador Benedicto  official facebook page paagi kay Mayor Marxlen Dela Cruz.

Bangud sini nagapabilin sa gihapon bilang Covid-19 free municipality ang DSB.

Sa record sang  DSB Local IATF  tubtob January 19, 2021, ang banwa ang may total confirmed cases nga 15 kag lunsay na nga naka rekober.

Ang pagka hilway sang DSB sa aktibo nga kaso sang Covid-19 ang napabilin sa sulod na sang kapin isa ka bulan. | Aksyon Marlon Genovea

RESORT NGA NAGPATIGAYON SANG FOAM PARTY, GINPASIRA

January 23, 2021

Gin kumpirmar ni City Administrator kag EOC Executive Director Em Ang ang gin himo sang syudad nga pagpasira sang resort sa Barangay Pahanocoy syudad sang Bacolod nga nagpatigayon sang Foam Party pagkatapos sang blessing tinalikdan nga semana.

Suno kay Ang, base sa imbistigasyon nga gin patigayon sang EOC, klaro nga may yara sang na komitir nga bayolasyon ang pamunuan sang resort ilabi na nga wala nila gin pahibalo ang Punong Barangay sa lugar angut sa nga aktibidad magluwas lamang sa blessing activity nga ila gin pangayuan sang pahanugot.

Dugang pa ni Ang, nagpatigayon man sang inspection ang mga personnel sang Permits and Licensing Division sa lugar sa diin ila na diskobrehan nga ini ang wala pa sang kumpleto nga mga permit agud sa pag bukas sang ila operasyon.

Ang amo nga closure order ang gin serbe sang Biernes sang hapon, Enero 22 paagi sa talatapan sang City Legal Office kag Permits and Licensing Division. | Aksyon Art Tayhopon

MORE STORIES:

LIKE US ON FB

error: Ooops... You are not authorized to copy this content.