102K NGA BALOR SANG DROGA NAREKOBER; ANUM, NADAKPAN

Share on facebook
Share on google
Share on pinterest
Share on twitter
Share on print

Nadakpan ang anum ka mga tawo sa pag serbe sang search warrant kag drug buy bust operation sang PDEA Region 6 Special Enforcement Team sa isa ka balay sa Cereza 2, Brgy. 27, syudad sang Bacolod, Sabado sang hapon, Hulyo 18.

Gin kilala ang subject sang search warrant nga si Karen Ducay, 36 anyos, street level pusher kag gin alegar drug den maintainer.

Ang subject ang naga renta sa amo nga balay sa sulod sang tatlo ka bulan.

Sa interview sang Aksyon Radyo, gin pahayag ni PDEA 6 Agent Bamboo, nag apply sila sang search warrant sa korte kasunod nga may nabaton sila nga impormasyon nga ang balay sang subject ang makabig nga drug den.

Suno kay Bamboo, may mga driver, call center agent nga naga kadto sa amo nga balay para sa iligal nga aktibidad.

Gin ako sang subject nga tag 20 ang bayad para mag suyop sa amo nga balay.

Nanginwala ang subject nga may gin pasulod siya nga tawo para mag suyop sa amo nga balay subong nga adlaw.

Narekober sang otoridad ang duha ka dalagko kag lima ka magagmay nga sachet sang ginasuspetsuhan shabu nga may kabug-aton 15 gramos kag ginabulubanta nagabalor 102,000 pesos; tatlo ka mga improvised tooter, lima ka mga disposable lighter kag 500 pesos nga kwarta. | Aksyon John Diaz, Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.