10 LAMANG KA KANDIDATO SA BACOLOD ANG NAGTAMBONG SA PEACE COVENANT SIGNING

Share on facebook
Share on google
Share on pinterest
Share on twitter
Share on print

Napulo gid lamang ka mga kandidato sa lokal ang nagtambong sa interfaith prayer rally nga ginpatigayon takna las 7 sang aga sa palibot sang plaza publika sa syudad sang Bacolod.

Ang mga kandidato nga nag-upod sa amo nga rally amo sanday: Incumbent Bacolod Lone District Representative Greg Gasataya, Carl Lopez, Wilfredo David kag Cecilia Flor. Samtang nagtambong man sanday City Councilor Bart Orola, Israel Salangga kag Incumbent Bacolod City Councilor Elmer Sy, Simple Distrito, Councilor Anna Marie Palermo kag Incumbent Vice-Mayor El Cid Familiaran sa amu kahiwatan.

Nagtambong man sa amo nga aktibidad ang mga katapo sang Philippine Army nga ginpangunahan ni 303rd Deputy Brigade Commander Col. Inocencio Pasaporte, kag mga kapulisan sa syudad sang Bacolod nga ginpangunahan ni Bacolod City Police Deputy City Director for Operations Supt. Leonardo Borromeo.

Ang integrity pledge ginbasa ni Atty. Mavil Majarucon-Sia, Commission on Elections Bacolod Supervisor. | Aksyon John Diaz

DUHA GINDALA SA HOSPITAL MATAPOS ANG AKSIDENTE SA BARANGAY ALIJIS

Gindala sa hospital ang duha ka mga sakay sang motorsiklo matapos na aksidente sa atubang sang Shell gasoline station sa dalan Alijis, syudad sang Bacolod, Sabado sang gab-i.

Ginkilala ang driver sang motorsiklo nga si Rossfel Musni, residente sang Kabugwason, Barangay Mansilingan kag ang backrider sini nga si Lindy Lynn Arevalo, residente sang DC 1 RPHS, Barangay Alijis.

Ang mga biktima ang gikan sa birthday party kag papuli na sang natabo ang aksidente nga pagbunggo sa Toyata Innova nga ginamaneho ni Jennifer Genita, 41 anyos, sang City High, Barangay Taculing.

Ang motorsklo ang gikan West padulong East nga direksyon samtang ang Innova ang gikan East to West.

Suno kay Police Senior Master Sargeant Clark Cañon, traffic investigator sang Police Station 7, base sa alegasyon ni Genita, iya nakita nga ang motorsiklo ang yara sa center lane kag naga ikis-ikis ang dalagan rason nga nag nagbahar ini kag nagdesisyon nga maglikaw paagi sa pagtabok sa pihak nga dalan, pero nagbalik sa iya linya ang motorsiklo nga nangin kabangdanan sang aksidente.

Dugang pa ni Cañon, ginpahayag man ni Genita, nga iya ginalantaw nga base magliko ang motorsiklo.

Makita nga ang damage sang innova ang yara sa tuo sa una.

Suno kay Cañon, magabalik ini sa lugar sang insidente kag i-check ang mga CCTV.

Suno sa mga responder, conscious ang duha ka mga biktima sang gindala sa hospital.

SIKAT NGA SUBA SA KAPITAN RAMON, SILAY CITY TEMPORARYO NGA GINPASIRA

(Lexplorations PH FB Page | Algene Bacotod Photo)

Temporaryo nga ginpasira sang LGU sang syudad sang Silay ang suba sa mga pangayaw sa Sitio Lupa, Barangay Kapitan Ramon, Silay bilang precautionary measure kontra Covid-19.

Sa interview sang Aksyon Radyo, ginpahayag ni Silay Mayor Mark Golez, ang ini nga tikang nag base man sa ordinansa sang syudad nga nagadumili sa mass gathering ukon pagtililipon.

Dugang pa ni Golez, ini ang inisyatibo man sang syudad kasunod nga narecord ang anum ka Covid-19 cases sa Kapitan Ramon bisan nga malayo na ini nga lugar.

Subong nga adlaw, Sabado, Mayo 8, sang nag umpisa ang temporary closure sang suba.

Base sa impormasyon ni Golez, 2 mil tubtob 3 mil ka mga tawo ang nagapadulong sa lugar kag iban sa ila ang gikan pa sa Kabankalan kag San Carlos.

Ginpahayag sang Alkalde, nga iya na gintugyanan ang Silay PNP nga magpahamtang sang checkpoint sa dalan padulong sa suba.

MORE STORIES:

LIKE US ON FB

error: Ooops... You are not authorized to copy this content.