10 KA TAWO GIN ISYUHAN CITATION TICKET BANGUD WALA NAGA SUKSOK SANG FACE SHIELD SA BACOLOD

Share on facebook
Share on google
Share on pinterest
Share on twitter
Share on print

Gin isyuhan sang citation ticket sang Bacolod Traffic Authority Office (BTAO) kag Traffic Management Unit (TMU) ang napulo ka mga tawo nga wala nagasuksok sang face shield sa syudad sang Bacolod, sa una nga adlaw nga pag patuman sang mando sang gobyerno nasyunal.

Suno kay BTAO/TMU Head Police Lt. Col. Luisito Acebuche, may mga nagkaladakpan nga mga motorista nga naga riding-in-tandem nga nagasuksok sang open face helmets pero wala sang face shield.

May mga nadakpan man nga nagasakay sa depasahe nga jeep nga wala sang suksok nga face shield.

Gin paathag ni Acebuche, ang bayolasyon sang mga nadakpan ang nalakip sa Executive Order No. 35 sang syudad, pag bayolar sang social distancing kag City Ordinance 926 ukon pag suksok sang face mask sa pampubliko nga lugar.

Nagapati si Acebuche nga sa duha ka semana nga gintalana sang gobyerno antis ang implementasyon sang mando, nahibaloan kag napreparahan na ini sang publiko.

Suno kay Acebuche, ang LTO ka ang Highway Patrol Group amo ang naga panguna nga mga ahensya sa pagpatuman sang mando.

Samtang, nag pahanumdom si Acebuche sa publiko nga epektibo sa gihapon ang mando may angut sa pagbutang sang barriers sa mga naga-angkasanay sa motorsiklo. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.