10 KA MGA BALAY NAHALITAN SA NAGLUNTAD NGA SUNOG SA BRGY TACULING

Share on facebook
Share on google
Share on pinterest
Share on twitter
Share on print

Napulo ka mga balay ang totally kag partially damaged sa nagluntad nga sunog sa Purok Sunrise, Brgy. Taculing syudad sang Bacolod.

Ang sunog nag-umpisa takna la 1:32 sang hapon kag gindeklarar fireout takna las 2:47 sang hapon.

Basi sa impormasyon nga nakuha ni Punong Barangay Lady Gles Gonzales-Pallen, napabay-an nga ginsindihan nga kandila ang ginatudlo nga ginhalin sang kalayo.

Madasig man nga naglaton ang kalayo sa mga kaiping nga balay bangud nga himo ini sa light materials kag naga-ikitanay ang halos mga puluy-an.Ang mga nasunugan amo sanday:
Ronnie Juson, Rodora Tordillos
Joan Tordillos, Felomini Ramos, Joel Villanueva kag Ulysses Manalo.

Gintupok man sang kalayo ang lima ka mga balay nga ginaparentahan ni Felomino Ramos. May kabudlayan man suno kay Pallen ang nga bombero nga masulod ang lugar bangud nga kitid ang dalan.

Isa lamang ka persona ang nareport nga pilason sa amo nga insidente.

Ang mga nasunogan ang temporaryo nga magatinir sa Gonzaga Gymnasium kag nagpasiguro naman si Pallen sang bulig kaangay na lamang sang pagkaon kag gamit.

Nagpadulong naman sa lugar ang mga personnel sang Department of Social Services and Development (DSSD) nga nagkuha sang pangalan sang mga biktima sang sunog para sa paghatag sang ayuda.

MORE STORIES:

LIKE US ON FB

error: Ooops... You are not authorized to copy this content.