10 KA DSWD PERSONNEL NGA NAG DISTRIBUTE SANG SAP FUND SA BANAGO GIN-QUARANTINE

Share on facebook
Share on google
Share on pinterest
Share on twitter
Share on print

Bilang panigurado, gin paidalum sa home-quarantine ang 10 ka mga personnel sang DSWD Region 6 nga nag-augment sa pagpanagtag sang ayuda para sa mga benepisyaryo sang Social Amelioration Program ukon SAP sa Brgy. Banago, syudad sang Bacolod.

Gin kumpirmar ni Pacita Tero, pamuno sang DSSD Bacolod, nga ang bana ni Patient 9 amo ang nagkuha sang ayuda sa Banago kag indi ang pasyente.

Suno kay Tero, wala sang sintomas nga gina batyag ang 10 ka mga DSWD Personnel kag nagalaum nga mangin negatibo sa virus ang bana ni Patient 9.


Bangud sa natabo, nagpangabay si Tero sa mga kabarangayan nga magpahamtang sang plastic cover antes mag patigayon sang payout bilang precautionary measure kontra Covid-19.

Sa karon, 47% ukon 51,069 ka mga benepisyaryo ang nahatagan sang ayuda sa Bacolod samtang nag saka na sa 26 ang nag uli sang SAP fund.

Suno kay Tero, ang mga nag-uli ang mga 4Ps beneficiaries, ang iban ang nag double-entry samtang ang iban ang boluntaryo nga nag balik sang kwarta. | Aksyon Dale Salazar

MAG-LOLO PILASON MATAPOS NABUNGGUAN SANG MOTORSIKLO

Pilason ang mag-lolo matapos nabunggoan ang ila ginasakyan nga trisikol sang motorsiklo sa Economic Highway sakop sang Barangay Cabug syudad sang Bacolod, kagab-i, Dominggo.

Ginbunggo-an sang motorsiklo nga ginamaniho ni Rirzard Bionat, 31 anyos sang Deca Homes Barangay Cabug ang trisikol nga ginadala ni Elmer Delgado, 56 anyos sang Purok AC-Yulo Barangay Sum-ag syudad sang Bacolod.

Upod ni Delgado sa trisikol ang iya apo nga si Kheite Gerence Petalla nga naka-angkon sang minor injury.

Gindala sa Corazon Locsin Montelibano Memorial Regional Hospital si Delgado upod sang iya apo nga si Petallar.

Naka-angkon man sang pilaso si Bionat matapos matumba sa ginasakyan niya nga Honda Scooter.

Suno kay Police Corporal Roland Abong, traffic investigator sang Police Station 9 nakasangit sa likod sang trisikol ang motorsiklo ni Bionat rason sang aksidente. | Aksyon Eric Magbanua

MORATORIUM SA QUARRY OPERATIONS SA PROBINSYA, GINADUSO

Igarekomendar sang Sanguniang Panlalawigan sang Negros Occidental ang moratorium sa mga quarry operations sa bug-os nga probinsya , kun mapamatud-an nga ini ang isa sa mga gintunaan sang baha sa Northern Negros.

Ini ang ginpahayag nanday Vice Governor Jeffrey Ferrer, kag Third District Board Member Andrew Montelibano.

Suno kay Montelibano ila pagatutukan kun paano matapna ang   illegal quarry operations  kag ipasiguro nga nagasunod sa ensakto nga protocols ang mga ginhatagan sang permits.

Sa pagpangusisa ni Montelibano sa record sang Provincial Environment Management Office, linibo ang nakapending nga aplikasyon sa quarry operations.

Nagapati ang board member nga madamo sang naga quarry sa probinsiya bangud sa nagadamo man nga pag construct sang mga estraktura ilabi na sa syudad sang Bacolod.

Apang suno sa iya,  importante  man nga maprotektahan ang river system. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.